Hindi

How to Go from 0 to 10K Subscribers on YouTube?

Youtube par channel banana jitna asaan hai utna hi tough kaam hai youtube par apne subscribers increase karna. Aap me se bahut se log aise honge jinhone apna youtube par channel banaya hoga lekin channel banane ke 1-2 saal ke baad bhi usme subscribers nahin badhe honge. Kai log to aise hain ki channel bana lete hain, videos dalte hain lekin views nahin aate? To kya apne kabhji socha hai ki aisa kyun ho raha hai? Youtube par subscribers ke bina kuch nahin hai. 

Ak baat to hai agar aapke video me dum hai to subscribers apne aap badh jayenge aur fir views to badhne hi hain. Lekin subscribers hi nahin hain to views kahan se ayenge? 

How to Go from 0 to 10K Subscribers on YouTube?

Youtube par Subscribers kahan se ayenge aaj hum usi cheez par baat karenge. Is video me apko hum kuch aisi baatein batayenge jo ki aapko Youtube par 0 se lekar 10 hazaar tak subscribers laane me madad karengi. Is Article ko end tak jarur dekhna kyonki agar ak bhi point miss ho gaya to fir aapki Youtube par sucess ki journey adhuri reh sakti hai. Is blog me bahut kuch seekhne ko milega jo ki aapko na ki subscribers dega balki iske sath sath aap youtube ke jariye apni income aur naam bhi kama sakenge. 

Youtube Niche

Subscribers ki daud me sabse pehli cheez aati hai wo hai apka niche kya hai. Niche ak aisi cheez hai jise aapne agar sahi se chun liya to fir aapko sucessful hone se koi nahin rok sakta. Aaj agar aap youtube par dekhenge to different types ke niche video aapko mil jaenge. Aapko wahi niche chunna hai jisme aap asaani se kaam kar saken aur fir apni videos ko viral kar saken. 

Ab maan lijiye ki aapne gaming ko apna niche chun liya to aap dekhenge ki youtube par bahut se gamers pehle se hi hain jo ki popular bhi hain. Unki ak ak video millions view le jaati hain. Ab aapko us niche me kuch aisa karna hai ki aap unhen piche chod sakein.  Ye kaam mushkil ho jaega kyonki ye niche purana hai aur popular bhi aur bahut se log is par video bana rahe hain. Han isme kaam ho sakta hai lekin time bahut jyada lag sakta hai. 

Audience

Niche ke sath sath aapko apni audience ka bhi dhyaan rakhna hoga. Agar aap bachon ka channel banate hain to apko ak baat dhyaan me rakhni hogi ki aapki audience kaun hai. Bachon ke channel ke case me aapki audience chote bache to honge hi lekin unse jyada jaruri audience hai unke parents. Wo parents aise hain jo ki apne baccho ko achhi video dikhayenge jo ki unke kaam ki ho. Niche aur audience ak dusre se linked hain. Har niche ke sath audience badalti jaati hai aur audience ke sath sath channel ki growth.

Consistency

Ab baat aati hai consistency ki. Consistency ka matlab hai ki aap jo bhi niche chunen uspar continously video banate rahein aur upload karte rahein. Agar aapke thode se subscribers bhi hain aur har din aap video upload karte hain to wo use dekhenge. Aur agar koi video acchi hui to wo subscribers use share kar sakte hain. Ak share aapko kai views dilwa sakta hai aur sath hi kai subscribers bhi. Maan lijjiye ak person apki video ko share karta hai aur us share ko 10 log dekhte hain matlab 10 views. Aur un 10 persons me se 2 log use fir share karte hain aur fir wo pahuch jaati hai 50 logon ke paas. Aap khud sochiye ki ak acchi video ak chain bana sakti hai jo ki aapko views ke sath sath subscribers bhi degi. 

Agr aap channel par video ki consistency rakhte hain to Youtube bhi apke video ko home page par dikhana shuru kar deta hai. Home page par video ka dikhna video views ke chances ko aur jyada badha deta hai. 

Trending Topics

Agli baat ye hai jo apko dhyaan me rakhni hai ki log kya chahte hain? Jaise maan lijiye aapka trending topics par channel hai. To aapko ye dekhna hai ki trend me kya hai. Trend ak aisi cheez hai jo aapki video ko viral kar sakti hai. Abhi hal hi main She-Hulk: Attorney at law ka season khatam hua. Us season ke finale me jo hua uske baad wo trending me hai kyonki log janna chahte hain ki agla season ayega ki nahin, agle season me red hulk kaun hai, zakaar kaun hai …. Aise bahut se topic aapko trends ke zariye mil jaenge. Iske liye aapko up to date rehna padega aur fir aap dekhenge growth apne channel ki. 

Bas ak baat hamesha dhyaan me rakhiye

“Log jo chahte hain unko wahi dikhao”

Agar ye aapne shuru kar diya to fir aap khud dekhoge ki ye kaam kar raha hai. Apka koi bhi niche ho apko up to date rehna padega. 

Video Title

Ab chalte hain agli cheez par jo apko dhyaan me rakhni hai aur wo hai aapki video ka Title. Jee hain doston, title ak aisi cheez hai jo ki aapko views de ssakti hai. Apni video ke upar keywords research karo, un keywords ko title me infuse karo. Is se ye hoga ki log jab us keyword ko search karenge to aapki video ka rank karna asaan ho jayega. Abhi agar hum baat karen GTA V ki to usme bahut se keywords hain jo ki log search karte hain lekin ak aisa keyword hai jo har kisi ne search kiya hoga 

Wo keyword hai “GTA V Steam Unlocked”. Ab is keyword par agar aap video banayenge aur title me rakhenge to aap khud dekhenge ki ye to kaam kar raha hai. 

Thumbnail

Next Cheez jo bahut jaruri hai wo Thumbnail. Doston jyada tar log smartphone par hi video aur youtube kholte hai. Har kisi ke paas smartphone hai aur wo Youtube bhi smartphone par dekhta hai. Aap apne phone me youtube kholiye aur dekhiye ki aap kis cheez ko dekh kar video dekhte hain. Hamara sabse pehle jo cheez dhyaan kheenchti hai wo hai Thumbnail. Kyonki yehi ak aisi cheez hai jo badi dikhti hai phone par. Agar hum kuch search bhi karein youtube par to humen jo thumbnail achha sa lagta hai hum us par click kar ke video dekhna shuru karte hain aur agar video acchi hui to fir “Ak subscribe to banta hi hai”

To agli baar se jab bhi video banayein uska thumbnail aur bhi jyada attractive banayen. 

“Agar views badhenge to subscribers aur badhenge” ye baat dhyaan me rakh kar video banayein. 

End Screen & Youtube Cards

Ak cheez jo apke jyada kaam a sakti hai apni video par end screen aur cards lagana. Ye dono apki ak video ke sath sath dusri ka link bhi show karte hain jab video play ho rahi hoti hai. End screen last me aati hai. Jaise hi aapki video khatam hone wali hoti hai aapki dusri video user ko show hone lagti hai aur us par click kar ke wo dusri video ko dekh sakta hai. 

Ye cheeze aisi hain jinhe agar aap follow kar ke Youtube par channel banayein aur baad me usme video dalein to aap asaani se 0 se 10 hazar subscribers ki race ko jeet sakte hain. Apko yeh baat bhi malum honi chahiye ki Youtube par ad lagane ke liye aapko kam se kam 4000 hours ka watch time aur 1000 subscribers chahiye honge. 

To fir video aisi banayein jo viral ho jaye, log use search kar rahein ho, Youtube use apne homepage par show kare aur uska thumbnail sahi ho. Agar in sab baaton ko apne dimaag me lekar chalenge to fir aapke 1 lakh subscribers bhi jaldi ho jayenge. 

Related Articles

Leave a Reply

Your email address will not be published.

Back to top button